.

Скитское покаяние чин


СКИТСКОЕ ПОКАЯНИЕ


Душеполезное, еже есть списание молитвы,  яже  сочинена  съ покаяниемъ.




п
одобаетъ убо прежде самого себе зазрети,   и осудити, и положити себе предъ богомъ, яко поистине грешнейша всехъ и падшася.  И глаголати со умилениемъ и сокрушениемъ сердыца, и со слезами, пред oбразомъ божиимъ сице. Молитвами святыхъ отецъ нашихъ, Господи Иисусе Хриcте сыне божии, помилуй наc, аминь.

Ц
арю небеcный, утешителю, душе истиныи, иже везде сый и вся исполняя, сокровище благихъ и жизни подaтелю, прииди и вселися въ ны, и очисти ны от всякия сквeрны, и спаси блаже дyши нaша. Святый боже, святый крепкий, святый безсмeртный, помилуй нaсъ. Трижды. Слaва отцу, и сыну, и святому духу, и ныне и присно, и вовеки вековъ. аминь.

п
ресвятaя троице, помилуй нaсъ: господи, очисти грехи нaша. Владыко прости беззакония наша. Святый посети и исцели нeмощи нaша, имене твоего рaди. Таже. Господи помилуй, трижды. Слaва, и ныне:
о
тче нaшъ, иже еси на небесехъ, да святится имя твое, да приидетъ царствие твое. Да бyдетъ воля твоя, яко на небеси и на земли. Хлебъ нaшъ насyщный, дaждь нaмъ днeсь, и остaви нaмъ долги нaша, якоже и мы оставляемъ должникомъ нaшымъ.  И не введи нaсъ во искушeние, но избaви нaсъ от лукaваго. 

Тaже, Господи Иисусе Христе Сыне Божыи, помилуй насъ, аминь. 
Господи помилуй, 12. 
Слaва, и ныне: Приидите, поклонимся царeви нaшему Богу. Приидите, поклонимся Христу, цареви и Богу нaшему. Придите, поклонимся и припадeмъ, к самому Господу Иисусу Христу царeви и Богу нaшему.

                        Таже.псаломъ, 50

п
омилуй мя Боже, по велицей милости твоeй. И по множеству щедротъ твоихъ, очисти беззаконие мое. Наипaче омый мя от беззакония моего, и от греха моего очисти мя. Яко беззаконие мое азъ знaю, и грехъ мой предо мною есть выну. Тебе единому согрешихъ, и лукaвое пред тобою сотворихъ. Яко да оправдишися въ словесехъ своихъ, и победиши, внегда судити. Сeбо въ беззакониихъ зачaтъ есмь, и во гресехъ роди мя мaти моя. Сe бо истину возлюбилъ еси. Безвестная и тaйная премyдрости твоея явилъ ми еси. Окропиши мя иссопомъ, и очищуся. омыеши мя, и пaче снега убелюся. Слyху моему дaси рaдость и весeлие, возрaдуются кости смиренныя. Отврати лице твое от грехъ моихъ, и вся беззакония моя очисти. Сeрдце чисто созижди во мне Боже, и дyхъ прaвъ обнови во утробе моeй. Неотвeрзи мене от лица твоего, и духа твоего святaго не отими от мене. Воздaждь ми рaдость спасeния твоего, и духомъ ввладычнымъ утверди мя. Научу беззаконныя путемъ твоимъ, и нечестивии къ тебе обратятся. И избaви мя от кровей Боже, Боже спасeния моего, возрaдуется языкъ мой прaвде твоeй. Господи, устне мой отвeрзеши, и уста моя возвестятъ хвалу Твою. Яко аще бы восхотелъ жeртвы, дaлъ быхъ убо. всесожжeния не благоволиши. Жeртва Богу дyхъ сокрушeнъ. сeрдце сокрушeно и смирeно, Богъ не уничижитъ. Ублажи Господи, благоволeниемъ твоимъ сиона, и да созиждутся стены иерусалимския. Тогда благоволиши жeртву прaвде, возношeние и всесожегaемая. тогда возложaтъ на олтaрь твой тельца.

Посемъ. Символ веры

В
ерую во единаго Бога Отца вседержителя, творца небу и земли, видимымъ же всемъ и не видимымъ. И во единаго Господа Иисуса Христа Сына Божия, единороднаго, иже от отца рождeннаго прeжде всехъ векъ.  Света от света, бога истинна, от бога истинна, рождeнна, не сотворeнна, единосyщна отцу, имъ же вся быша. Нaсъ рaди человекъ, и нaшего рaди спасeния, сшeдшаго съ небесъ, и воплотившагося от Духа Свята, и Марии девы и вочеловечьшася. Распятаго  за ны при понтийстемъ пилaте и страдaвша,  и погребeна, и воскреcшаго въ трeтий дeнь по писaниям. И возшeдшаго на небеса, и седяща одеснyю отца: И пaки, грядyщаго со слaвою, судити живымъ и мертвымъ, егоже царствию  не будет конца.
И въ Духа Святaго Господа животворящаго, иже от Отца исходящаго, иже со отцeмъ и сыномъ споклоняема и сслaвима, глаголавшаго, пророки. И во едину святую соборную, и апоcтольскую церковь. Исповедую едино крещeние, во оставлeние греховъ. Чaю воскресения, мeртвых:  И жизни бyдущаго века, аминь.



                      Посемъ молитву сию

В
сесвятая троице, oтче, и сыне, и святыи душе, всеистинныи боже, и всего мира содетелю, иже милоcти источниче, и человеколюбия бездно. Иже праведныя любя, и грешныя милуя, и всехъ зовыи ко спасению. Темже надеяся на милоcть человеколюбия твоего, припадая молюся твоей милоcти, господи помилуй мя грешнаго раба твоего (имркъ).         И яже ти согрешихъ словомъ и деломъ и помышлениемъ, прости ми господи, господи прости мя. Благодарю тя Господи Иисусе Христе за твое великое милосердие и человеколюбие, и за твою премногую благодать и утешение, и за твое не изреченное долготерпение и ожидание. Аще бы господи не твоя благодать покрывала мене грешнаго по вся дни и нощи и часы, то уже быхъ азъ окаянныи погиблъ, аки прахъ предъ лицемъ ветра, и былъ быхъ  аки не явленъ на светъ сей. За свое окаянство и леность, и за свою слабость и великии сонъ, и за свое обьядение и  пиянство, и за своя скверныя и неподобныя блуды, и  инабезчисленная согрешения, ихже выну предъ тобою творя не престаю. Но ты господи милоcтиве, терпиши моя злобы и досады, ждыи моего обращения: едине милоcтиве и всемогии создателю нашъ, любяи родъ человечь, и призывая грешныя на покаяние и спасение.      Ты   и ныне безсмертныи царю владыко человеколюбче, удиви на мне грешнемъ милоcти твоея силу, яви крепость благоутробнаго милоcердия твоего. Обращающася приими мя грешнаго, къ твоимъ щедротамъ, и хотяща каятися своихъ согрешении, приими убо мя господи, и мое многогрешное покаяние приими ныне господи. Ты бо приемлеши покаяние всехъ человекъ, и очищаеши вся согрешения ихъ: азъ же ныне господи, надеяся на милость человеколюбия твоего, къ тебе прибегохъ всемилоcтивому богу и спасу исусу хриcту, име волю каятися согрешении своихъ, но несть истинно покаяние мое, единою бо каюся, а многажды прогневаю тя, и не пребyду часа того воньже бы греха не сотворилъ. Аще ли когда восхотехъ приити ко отцу духовному на покаяние, то отча лица устыдехся, и грехи утаихъ, а иныя забыхъ, и не могохъ всего исповедати, и нарекох ся ложь покаянию. И ныне господи каюся не къ человеку просту, но къ тебе самому господу исусу хриcту моему. Что ли начну глаголати, или како могу изрещи множество греховъ моихъ; умъ мой смутися, и душа ми трепещетъ, и вси удове тела моего содрогнушася о содеянныхъ ми золъ. Слыши небо, и внуши земле содеянная мною окаяннымъ, и устранившимся от бога и святыхъ его. Охъ мне грешному и беззаконному, увы мне  грешному, люте мне  грешному, горе мне  грешному, погибохъ во гресехъ  своихъ. Камо ми ся дену ти со грехи моими; къ тебе убо ныне прибегаю владыко господи вседержителю, и припадая молю ти ся, не погуби мене господи, не погуби мене владыко согрехи моими, не погуби мене со беззаконии моими, велицы бо и мнози поистинне мои греси, и моя беззакония. Тысяща тысящами, и тмы тмами, предъ тобою господи, по вся дни, ипо вся нощи,  ипо вся часы согрешихъ, господи прости мя. И избави мя господи горкия и лютыя, злыя и напрасныя смерти. Даруй ми  господи,  даруй ми владыко, слезы покаяния, слезы умиления.   Даруй ми  господи смерть и кончину благу, съ покаяниемъ, со причастиемъ, со слезами и со исповеданиемъ. Согрешихъ ти господи прости мя. За имя твое святое  господи прости ми, елика ти согрешихъ  во вся дни живота моего, и по вся нощи, и по вся часы, от юности моея и до старости, и до сего времени. Несть бо того греха, егоже азъ окаянныи не сотворихъ, и несть тоя злобы еяже не содеяхъ. И самое небо осквернихъ зрениемъ очию моею, и землю окаляхъ хождениемъ ногу моею. Весь чyждь быхъ воли твоея. Преступихъ твоя заповеди, и не сохранихъ твоихъ повелении, И не сотворихъ ни единъ день хотения твоя блаже. Но всего себе повинyхъ греху, и сластемъ поработихъ. Но прими мя господи кающася и помилуй мя.   Мног бо согрешихъ безъчисла, и беззаконновахъ от начала и до ныне. Увы мне, како или что начну  глаголати, господи, согрешихъ  предъ тобою  и пред святою  твоею  материю  богородицею и пред  святыми  ангелы твоими,  и пред  всеми святыми твоими. Согрешихъ  господи  на тебе Хриcта моего  въ хyлныхъ  помыслехъ,  и на пречиcтую  твою  матерь деву  богородицу,  скверными  помыслы.    Согрешихъ,  кляхся  именемъ  твоимъ  святымъ  во лжу.    Согрешихъ  кляхся пречиcтою  твоею  матерю пречиcтою богородицею волжу. Согрешихъ  кляхся честнымъ и животворящимъ ти креcтомъ во лжу. Согрешихъ,  кляхся святыми твоими ангелы, и святыми пророки, и апоcтолы, и мученики, и святители. И преподобными, и преподобными и всеми святыми твоими во лжу. Согрешихъ,  кляхся небомъ и землею, и небеснаго царcтвия ненаследиемъ. Согршихъ,  кляхся душею моею, и тломъ, и главою, и всеми моими чyвствы. Согрешихъ господи, въ преслушании и въ преступлении заповедей твоихъ. Согрешихъ господи, въ преслушани повелении святыхъ апоcтолъ, и святыхъ отецъ. Согрешихъ въ преслушании заповедей отца своего духовнаго. Согрешихъ въ преслушании по плоти родитель отца и матере и всего сродства. Согрешихъ господи, небрежениемъ святыхъ твоихъ писаний. Согрешихъ невериемъ святыни твоея хриcта бога нашего, и сомнениемъ о вере православней. А се сyть господи моя согрешения, и чрезъ естественная плотская беззакония моя. Согрешихъ господи от юности моея, растлехся въ детскихъ растлениихъ, и блудомъ, съ мирскими, и со иноки, и дрyгъ со другомъ сопротивно, и съ четвероногими соблудихъ, и ручныи блyдъ во много время выну творя. А се сyть господи греси мои, любодеяние, прелюбодеяние,  блyдъ, не чистота, растления тела, разжения плоти,  истицания похоти скверныя во сне и на яве, и всякии плотскии грехъ сотворихъ, яже не леть языкомъ глаголати, и устнами изрещи. Согрешихъ ти господи прости мя. А се сyть господи греси мои, сребролюбие, златолюбие, славолюбие,  самолюбие,   санолюбие,  миролюбие,   плотолюбие, и сластолюбие, согрешихъ ти господи прости мя.  А се сyть господи греси мои, многословие, любословие, празнословие, сквернословие, лжесловие, смехословие,  срамословие, прекословие,   буеслове,   баснословие, суесловие,  супротивословие,   злословие, согрешихъ ти господи прости мя. А се сyть госпди греси мои, лихоимство, мздоимство, многоимство, посулоимство, резоимство, чужеимство, опальство, окаянство, насильство, кривосyдство, упрямство, наровство, напрасньство, непокорство, лакомство, непотребство, несытство, пиянство, нечyвство, суровство, неверство, высокоyмство, святокрадьство,  презорство, лицемерство, пронырство, глумовство, лукавство, збойство, неyмство, изветство, непостоянство, неблагоговенньство, согрешихъ ти господи прости мя. А се сyть господи греси мои, обьядение, упивание, блевание, тайноядение, оклеветание, оболгание, оглаголание, осуждение, тщеславие, превозношение, кичение, злонравие,  злопомнение, злосердие, жестосердие, немилосердие, шатание,  шептание,  роптание, хуление, кобение, уныние, безчиние. Мнение, прение, непослушание, самоправление,   неисправление молитвы, небрежение о своемъ, спасении, небрежение о церковномъ пении, небрежение о келейномъ правиле и молитве, небрежение о всемъ своемъ житии, итворение дела божия  съ небрежениемъ. Въ томъ во всемъ согрешихъ ти господи прости мя. А се сyть господи греси мои, зависть,  ненависть, ревность, ярость, скyпость, леность, слабость, лютость, бyесть, юность, праздность, горесть, дерзость, мерзость, гордость, острожелчие, наглодyшие, величание, свирепство, злокозньство, злоимство, ругательство, мытоимство, пытливство, строптивство, пленение, помрачение, превращение, развращение, парение, хуление, сложение, смехъ, кличь, плищь, гневъ, сваръ, бой, татьба, поклепъ, лжа, свада, обада, обида, вражда, многосоние, ризное украшение, скверныхъ мыслей приимание, и повседневное падение, во сне и на яве соблажнение и искушение.  Многажды недостоинъ сyщь входилъ во святyю церковь, и во святыи олтарь. Многажды недостоинъ сыи целовалъ есмь святое евангелие, и святыя иконы, или креcтъ честныи, или мощи святыхъ. Многажды недостоинъ сыи ялъ есмь дору, или хлебецъ богородиченъ или от панагии. Многажды небрежениемъ уроняхъ кроху доры, или хлебца богородична, или просфиры.  Многажды недостоинъ сыи причащахся святыхъ пречиcтыхъ таинъ. Многажды кляхся и ротихся накриве, и паки многажды въ клятву впадохъ, и клятву преступихъ. Многажды многихъ поклепахъ. И паки многажды у многихъ заперлся есмь чужаго имения. Многажды наемника лишихъ мзды его. Многажды у многихъ посyлы и мзды взимахъ безъ вины,  многажды многихъ лаялъ есмь, и укорилъ и похyлилъ, и злослоилъ есмь. Многажды многихъ соблазнилъ есмь.  Многажды многихъ  оскорбилъ есмь, и клялъ.  Многажды многихъ  докрове билъ есмь, и совсеми сими не простился есмь, и въ церковь святyю ходилъ во гневе и зломыслии. Многажды осязахъ и зряхъ срамныя и тайныя детородныя уды моя. Многажды ручныи блyдъ самъ собою во свое тело сотворихъ, многажды на жены и на девицы и на отрочата красныя взирахъ съ помышлениемъ и желаниемъ плотьскимъ. Многажды со многими согрешихъ во блуде. Дрyгъ на друга возлазя, и на себе воспущая. Многажды многихъ обадилъ есмь и оклеветалъ. Многажды многихъ осудилъ есмь. Многажды на многихъ злопамятовахъ и не простихся съ ними, Многажды обленихся востати на келейную молитву, и на соборное церковное пение, или на полyнощницу, или на утреню, или на молебенъ, или къ часомъ, или къ литургии, или къ вечерни, или къ нефимону. Не исправилъ ти есмь господи покаяния, и исповедания на земли сей, во вся дни живота моего. Не исправилъ ти есмь господи обещания, еже  обещахся во святомъ крещении. И обещания чернеческаго  жительства не совершихъ ничтоже, лености ради моея и нерадения. Не исправилъ ти есмь господи, заповеданныхъ отцемъ моимъ духовнымъ въ покаянии и во иссповедании, поклоновъ, и всякия не сотворихъ епитемии, и во епитемияхъ не исправилъ ти  есмь господи поста и молитвы, и всегда творилъ есмь дело божие съ небрежениемъ, и что господи исчитаю множество греховъ моихъ, несть бо тоя злобы насемъ свете, еяже многогрешныи азъ не содеяхъ. Началникъ сыи и совершитель всякому  злу, и отнюдъ  делателище сыи всячески дияволу. Ибо законъ преступихъ всехъ множае, от ложеснъ самехъ и до нынешняго времене и часа, во многоразличныхъ всяческихъ гресехъ, плотскихъ нечистотъ, и душевныхъ сквернъ, всеконечне осквернихся, и люте окаляхся. Господи сия вся сотворихъ и согрешихъ, и сия всяисповедаю ти, и о сихъ всехъ каю ти ся, во всехъ сихъ господи прости мя, елика помню и елика не помню, во всемъ согрешихъ, господи прости мя и помилуй мя. Господи очисти мя и спаси мя грешнаго, окаяннаго, сквернаго, нечистаго, недостойнаго, беззаконнаго, безyмнаго, неразyмнаго, неистоваго, злонравнаго, злокозненнаго, злообразнаго, злопомнимаго, злопытливаго, злосердаго, злодеиваго, неключимаго, любодеиваго, непоставнаго, совращеннаго, устраненнаго, осужденнаго, падшаго, слабаго, унылаго, лениваго, нетерпеливаго, сонливаго, непослушливаго, небрежливаго, нечестиваго, непокорливаго, льстиваго, ропотливаго, стропотливаго, гневливаго, горделиваго, завидливаго, лукаваго, безстyднаго, безгоднаго, безчиннаго, лицемернаго, яростнаго, страстнаго, напраснаго, помраченнаго, ожесточалаго, нечyвственнаго, нечеловечьнаго, непотребнаго, вредоyмнаго, суеyмнаго, суроваго, свирепаго, ругателя, досадителя, постылаго, мерзскаго, скареднаго, гнyснаго, грyбаго, глyпаго, худаго, беднаго, немощнаго, смертнаго, тленнаго, раба твоего (имркъ). Вредолюбца, блудолюбца, плотолюбца, похотолюбца, смехолюбца, грехолюбца. Увы мне, како хощу от врага избыти, грехолюбивъ сыи; господи, господи согрешихъ ти прости мя, и приими мя господи кающася, и помилуй мя. Боже милоcтивъ бyди мне грешному и спаси мя. Боже очисти грехи моя и помилуй мя. Создавыи мя господи  помилуй мя. Безъ числа согрешихъ, господи прости мя. Во всемъ солгахъ, во всемъ преступихъ, и не послyшахъ твоихъ повелении. Но господи господи своимъ милосердиемъ спасе спаси мя. Спаси мя ради милоcти твоея  милоcтиве. Милостивъ бyди о гресехъ моихъ и помилуй мя, по велицей милости твоей, и не воздаждь ми  по деломъ моимъ, и не посрами мене по деяниемъ моимъ. Но обративъ заступи,  и варивъ ущедри, обычнымъ своимъ милосердиемъ, и благодатию принуждаемъ. Милоcтивъ ми бyди, и не остави мене создание свое, растлити ся беззаконьми, и грехи моими, яко да непредваритъ мя вечеръ смертныи неготова, и непокаянна, и безъответна сyща. Тщитъ бо ся всепагубныи, въ пропасть послати дyшу мою, злыхъ ради делъ ихъ же леность многая содела. Но удиви милоcти твоея человеколюбче на мне грешнемъ, предвари восхитящи, и изимающи, прежде даде не постигнетъ мене смертное посечение, и да не варивъ возмогъ возметъ и по губитъ мя, въ лености живша всестрастнаго, и отиду неготовъ въ недоумении сыи от всюду. Но да поживу   еще, и плачуся горько о безмерныхъ ми прегрешениихъ, благодати твоей споспешествyющи мне грешному. Ей владыко, услыши мя не достойнаго ныне покаяниемъ къ щедротамъ твоимъ припадающа, имолящася твоей благости. Презри яко непамятозлобныи богъ вся согрешения моя, вонми гласу молеения моего, во святыи сей день, и во всяко время,        и  на всякомъ месте. Ты бо реклъ еси, яко елико кто проситъ во имя твое, невозбранно от         тебе прииметъ; темже и азъ многогрешныи, надеяся на милоcть человеколюбия твоего,     тебе молюся, и тебе милсядею преблагии             и чyдныи царю, внуши господи молитву мою,     и воньми гласу моления моего, елико просихъ воздаждь ми во спасение. Умилосердися             О владыко, услыши гласъ мой болезненыи иже изъ глубины души окаянныя приношаю со стенаньми, и съ плачемъ приглашаю: согрешихъ ти согрешихъ, и исповедаю елико согрешихъ    во вся дни живота моего, и въ нынешнии день,   и въ сию нощь, и въ сии часъ, всегда непрестанно зло творя, паче всехъ человекъ.       И законъ  преступихъ всехъ множае нынешнихъ человекъ, и прежнихъ, деломъ и словомъ и помышлениемъ, яже помню, и яже не помню, веданиемъ и не  веданиемъ, паче песка морьскаго, и числа звезднаго, паче того греси мои предъ тобою господи, елика отречена святыми книгами, и  елика отрекохся святымъ крещениемъ, и во обещании мнишескомъ:         въ томъ во всемъ солгахъ, и преступихъ, и отнюдъ во вся дни живота моего, ни едины добродетели сотворихъ, ни единыя заповеди сохранихъ, и несть того греха егоже не сотворихъ, отнележе родихся, даже до сего      дне    и часа. Но о всехъ сихъ каюся тебе   господу богу моему сотворшему мя, прости мя господи, прости мя. И имиже веси судьбами своимъ милосердиемъ спаси мя, ты бо единъ власть имаши отпущати грехи, и твое единаго есть    еже миловати и спасати насъ. Темже  спаси мя ради милоcти твоея, и молитвами          и молениемъ пречиcтыя ти матере. И умныхъ    ти служитель святыхъ силъ безплотныхъ,            и  всехъ святыхъ от века тебе благоугодившихъ, аминь.  Посемъ.  Достойно есть.  
Или рцы сие.

О
Тебе радуется обрадованная всякая  тварь, архангельскии соборъ, и человеческии родъ. О священная церкви, и раю словесныи. Девcтвенная похвало,           изъ неяже богъ воплотися, и младенецъ       бысть, иже прежде векъ сыи богъ нашъ.  Ложесна бо твоя преcтолъ сотвори: и твое же чрево пространней ши небесъ содела девице.     О тебе радуется обрадованная всякая тварь,  слава тебе. Таже. Триcвятое, и по отче нашъ. Посемъ глаголемъ, тропари сия. Гласъ, 6. Помилуй насъ господи, помилуй насъ. Всякого бо ответа недоумеюще, сию ти молитву яко владычеце грешнии раби твои приносимъ. Помилуй насъ господи, помилуй насъ. Слава. Господи помилуй насъ, на тя бо уповахомъ.      Не прогневай ся на ны зело, ни же помяни беззаконии нашихъ. Но призри на ны яко милоcердъ, и избави насъ от врагъ нашихъ.      Ты бо еси богъ нашъ, и мы людие твои, и вси дела рyку твоею, и имя твое призываемъ.            И ныне, богородиченъ. Милоcердия двери отверзи намъ благословеная богородице дево, надеющии ся на тя не погибнемъ, но да избавим ся тобою от бедъ. Ты бо еси спасение роду хриcтиянскому. Таже. Господи помилуй, 40. Слава, и ныне. Господи помилуй, дважды. Господи благослови. И отпyстъ. Господи исусе хриcте сыне божии, молитвъ ради пречиcтыя ти матере, ипреподобныхъ и богоносныхъ отецъ нашихъ, и всехъ святыхъ, помилуй и спаси мя грешнаго,     яко    благъ    и    человеко    любецъ.

Ещё:

Искушения в Великий пост

Великая 17 кафизма

Пасхальная служба мирянским чином дома


Комментариев нет :

Отправка комментария

Братья и Сестры, прошу вашей молитвенной помощи! Помолитесь